اشعار حزينة - اجمل قصائد حزينه - خواطر حزن جديدة

 اشعار حزينة - اجمل قصائد حزينه - خواطر حزن جديدة

كالصاعقة ....

لا تحرق نفس المكان مرتين !

فإن تقاعد قلبي عن حبك لا تحاول إعادته للخدمة ...

فأنا لن أعود ! 

=============

 عندما يحب القلب بصدق يتألم بشده من جرح ألحبيب

وتفيض ألمشاعر بآهات كثيره

ولايوجد ألم يداني ألم ألفراق

لكننا نصبر ونقوي انفسنا ونحتسب

كلمات تعبر عن ألم مكنون

وحسرات كانت مكبوته وفاضت

سلمت ألانامل التي خطت

وألمشاعر التي تألمت وابدعت

=============

 ياوليدي لاتشكي وتلعن أبوها..... هذي ترى العادات وهي ابدويه

ياوليدي من شانك عيوني بكوها..... مدري شسوي شلي طالع بديّه

ياوليدي لغيرك تدري عطوها..... انسى خلاص الدنيا ماهي خليه

ياوليدي خلق الله مايعذروها..... راحت وصارت للعوايد ضحيه

=============

جاني يصيح يقول يايمه اذبحوها..... حبيبتي راحت يايمه من ايدي

والله أدرى انهم اغصوبها..... عليّه والدمعات تذرف خفيّه

يايمه راحت اللي له حيروها..... راحت حبيبة قلبي يمه الوفيّه

يايمه ثوب العرس له لبسوها..... يايمه هذا خاتمها ببكي عليّه

يايمه شوفي وش قساوة أبوها..... يدفنها بيده وهي بعدها حيّه

يايمه من شوفها لي احرموها..... عيو تودعني ليه البنيه

يارب يبليهم مثل مابلوها ..... ويارب تسعد هالادميّه

=============

 الصمت يكفي ويشفي صدر راعيه

لا صار كل الحكي ماله معاني

والقلب ما عاد تعنيه المشا ريه

و العين ماعاد تغريها الاماني

ياليت حزني مجرد دمع وابكيه

ماهوب عايش معي بين المحاني

ماهوب يظهر علي واحاول اخفيه

و تصير نظرات حزني هي لساني

مدري ذكرني زمان كنت ناسيه

مدري ذكرت الزمان الي نساني

=============

سهيت لحظه وقمت ابحث بجوالي

اقرا الرسايل وامسح مابقى منها

لقيت ذكرى رساله والرقم غالي

مكتوب فيها اذا انا مت فامسحها

فكرت فيك ولقيتك عايش وسالي

وماظن ياصاحبي في يوم تذكرها

الموت عندي يساوي غيابك الحالي

والحين بستئذنك يازين وامسحها

=============

قالوا: غريب وقلت:وين الغرابه؟

مادام هذا المجتمع كله اغراب

=============

سافر وخل أحزان عمري تخاويك..

يمكن معك تلقى حلول لضياعي..

حاولت أشوه صورتك..يوم أخليك..

لقيتك أصدق من بكى في وداعي..!!

=============

قلت : اصبري ، قالت : انا اقولك زين ؟

قلت : اتمنى ماتكوني بخيله

ضمت يديني .. قلت: توك تحنين

قالت يدينك بس ؟ هذي قليله

يوم احضنتني دمّعت ، قلت : تبكين

قالت : اظن الدمع (أصدق وسيله)

ردّت ، وقالت : وش عذاب المحبين

قلت : الغياب ! وفي عيونك دليله

=============

الغنى والفقر حاجه بيد رب العالمين..

مؤمن بهذي العباره.. بس ما انتي مؤمنه

أدري ان المال لبّى كل شيٍ ترغبين..

إلا انا واحد من الرغبات غير الممكنه

=============

لو كبر ذنبك ترى قلبي كبير

واعترافك بالخطا يغفر خطاك

=============

هم يحسبون المسأله كلها سلك

اذا انقطع تقطع معاه المسالك

ولا دروا اني بالاحساس ابادلك

مو شرط اشوفك واسألك كيف حالك

احس بك لو كنت ماني مقابلك

وتحس بي لو كنت ماني قبالك

دايم وفكري في حراوي منازلك

ان جا مجالك ولا ما جا مجالك

تدري وش الي بس يقطع تواصلك؟

الموت بس الموت يقطع وصالك؟؟

=============

معاني العشق لو تجمع وتهدى لك كما الباقة

حبيبي ما وفت قدرك ولا لبت طموحاتي

يا أطيب قلب قابلته أنا لك روح مشتاقة

تبي تجمع غنايم حبك ومصدر بطولات

أنا من يوم ما شفتك عيوني مالها طاقه

تبي ترسم لك ألوان ألمحبه والمسراتي

يا أجمل من سكن قلبي وضيّ العمر وإشراقه

احبك قلتها صادق وخطتها عبارتي

=============

أصبرحبيبي قبل ماترحل : تعال!

أبيك توعدني " تجيني تجيني "

حتى إذا ظرفك عن الجيّات حال ..

" أكسر ظروفك ياغلا لجل عيني "

وابنتظرك أنا على كل الأحوال ..

وابحتضن وردة غلانا بيديني ..

=============

أنا جريح الأمس واليوم والغد,,

وهاذي جروح العمر احصي عددها,,

لقيت أنا الدنيا ترى ملعنة جد,,

فيها الكلاب السود تأكل أسدها,,

صدقني غيرك انت ما اشوف انا احد,,

ومن ماتلد مثلك خسارة ولدها,,

=============

أبتعد وأهجر شوارعك والبيت،،

قلة أدبكم عجلت بالنهاية

رح في طريق في دروبه تماديت،،

تحت الثرى شيعت نهاية عنايا

اقسم قسم لوشفتك بيوم حنيت،،

لأدوس قلبك بالقدم من قسايا

آخر سؤالي كان بالحق رديت،،

قلي بربك وش سب هالسوايا